Senati Amerikan ka hedhur poshtë me vetëm një votë rezolutën që urdhëronte tërheqjen e forcave amerikane nga lufta me Iranin. Me 49 vota pro dhe 50 kundër, republikanët rrëzuan nismën e propozuar nga demokratët që parashikonte kufizimin e fuqive ushtarake të presidentit Donlad Trump. Për herë të parë që nga fillimi i luftës, republikania Lisa Markoëski votoi në favor të tërheqjes së ushtrisë nga konflikti me Iranin. “Mendonim se do të kishim një pamje më të qartë nga administrata se ku ndodhemi (në luftë), por kjo nuk është ajo që ndodhi”, tha ajo për mediat pas votimit. Sipas Kushtetutës së SHBA-së, vetëm Kongresi ka autoritetin për të shpallur luftë. Të njëjtin qëndrim mbajtën dhe dy senatorët e tjerë republikanë Susan Collins dhe Rand Paul, ndërsa demokrati John Fetterman e kundërshtoi dhe mbështeti nisëmn e ndërmarrë nga Trump. Presidenti Donald Trump injoroi afatin, i cili skadoi në fillim të majit, duke besuar se armëpushimi me Iranin i kishte dhënë fund luftës. Megjithatë, demokratët e kundërshtojnë këtë argument dhe përgjigjen se forcat amerikane janë ende në rajon dhe janë të përfshira në bllokadën e porteve iraniane.