Presidenti i Shteteve të Bashkuara, Donald Trump, vizitoi Kenoshan në Wisconsin pavarësisht këshillave për të mos e bërë një gjë të tillë. Ndalesa e tij kishte për qëllim mbështetjen e autoriteteve ligjzbatuese dhe bizneseve lokale pas trazirave që kanë përfshirë këtë qytet. Trump e shfrytëzoi vizitën për të përcjellë edhe një herë mesazhin e tij “të rendit dhe ligjit” si dhe për të kritikuar demokratët.Protestat në Kenosha shpërthyen pasi policia qëlloi në 23 gusht shtatë herë afrikano-amerikanin, Jacob Blake gjatë arrestimit. Familja e Blake thotë se ai tani është paralizuar. Trump vizitoi qendrën e Kenoshas, ku më shumë se 30 biznese u shkatërruan ose dëmtuan gjatë trazirave dhe plaçkitjeve në netët e para të protestës.”Këto nuk janë akte të protestës paqësore, port ë një terrori të brendshëm”, tha ai ndërsa fshikulloi demokratët që drejtojnë Wisconsin për faktin që nuk e pranuan menjëherë ofertën e tij të ndihmës federale.