Trupat amerikane kanë sulmuar një tjetër anije venezueliane ndërsa presidenti Donald Trump i ka shpallur luftë karteleve të dhunshme të trafikut të drogës. Presidenti amerikan paralajmëroi: Po ju qëllojmë! , ndërsa ndau pamje të anijes që shkatërrohej, me 11 persona në bord. Tre "terroristë" u vranë në sulmin e kryer në ujërat ndërkombëtare, sipas Trumpit. Pamjet dramatike treguan një anije të vogël që lëkundej në ujëra të trazuara përpara se të shënjestrohej nga një raketë amerikane. Një shpërthim i madh pason dhe anija përfshihet nga flakët. Trump e ndau videon në llogarinë e tij Truth Social, ndërsa lëshoi një paralajmërim të drejtpërdrejtë për çdo trafikant droge. "Këto kartele jashtëzakonisht të dhunshme dhe përbëjnë një kërcënim për Sigurinë Kombëtare të SHBA-së, Politikën e Jashtme dhe Interesat Jetësore të SHBA-së", shkroi ai. "Kujdes, nëse jeni duke transportuar droga që mund të vrasin amerikanët, ne do t’ju godsim!” Në një përgjigje të çuditshme, Presidenti Venezuelan Nicolas Maduro pretendoi se pamjet e ndara nga SHBA ishin bërë në të vërtetë me inteligjencë artificiale.