Presidenti amerikan Donald Trump e ka përshkruar luftën me Iranin si “një devijim të vogël”, teksa ka fajësuar demokratët për rritjen e inflacionit dhe ka premtuar se çmimet e benzinës do të bien së shpejti. Gjatë një tubimi elektoral në Karolinën e Jugut, Trump iu referua situatës në Lindjen e Mesme me tone të pazakonta, duke thënë: “Është e premte mbrëma. Kemi shumë kohë, apo jo? Çfarë dreqin duhet të bëj? Të kthehem dhe të bombardoj Iranin edhe pak?” Ndërkohë, rritja e çmimeve vjen në një moment kur rafineritë po përballen me ndikimin e luftës dhe kufizimeve të eksporteve, të cilat kanë reduktuar sasinë e naftës së papërpunuar të disponueshme për përpunim në benzinë, karburant avioni dhe naftë. Në një zhvillim të rëndësishëm për tregtinë e naftës, Irani u ka dhënë leje disa anijeve cisternë irakiane që të kalojnë përmes Ngushticës së Hormuzit,. Vendimi erdhi pas kërkesave të përsëritura nga Bagdadi dhe ishte një nga çështjet kryesore të diskutuara gjatë vizitës së kryetarit të parlamentit iranian.