Debati i parë mes Biden dhe Trump në Atlanta solli zhgënjim në radhët e demokrateve të cilët humbën shumë pikë krahasuar me republikanët. Një sondazh I CNN, tregoi se përpara debatit 55% e votuesve të regjistruar ishin të mendimet se Trump do të performonte më mirë se Biden. Por në fund shifrat u ndryshuan pasi 67% prej tyre u rreshtuan në krah të Trump dhe vetëm 33% në favor të Biden. Presidenti demokrat Joe Biden dhe rivali i tij republikan Donald Trump kritikuan ashpër njëri-tjetrin për çështjen e ekonomisë, abortit, imigracionit dhe politikës së jashtme. Votuesit amerikanë për herë të parë në historinë patën mundësi të shikonin një debat mes dy kandidatëve të moshuar. 81-vjeçari Joe Biden dhe 78-vjeçari Donald Trump bën një numër të madh gabimesh gjatë përballjes. Zëri I ngjirur dhe ngatërrimi I fjalëve nga ana e Biden bëri që Trupm ta sulmonte atë gjatë gjithë kohës. Por shtëpia e bardhë e justifikoi presidentin me argumentin se ai ishte me grip. Ekonomia, ishte ngatërresë për të dy kandidatët pasi bën një numër të madh gabimesh me shifrat dhe faktet. Nga më shumë se 15 milionë vende të reja pune të hapura gjatë mandatit që pati, Biden tha se kishte krijuar 15 mijë të tilla. Ndërkohë Trump tha se ekonomia amerikane ishte gati të fillonte të paguante borxhin e saj kombëtar përpara pandemisë së Covid-19. Por, deficiti buxhetor po rritej gjatë mandatit të zoti Trump, sepse shkurtimi i taksave në vitin 2017, një ligj që e kishte mbështetur ai, nuk ndihmoi SHBA-në në uljen e deficitit ashtu siç kishte premtuar ai. Përplasje shkaktoi dhe lufta në Ukrainë dhe ajo në Gaza, ku Trump tha se asnjëra prej tyre sdo të kishte ndodhur nëse ai do të kishte qenë President si dhe akuzoi Biden se nuk respektohet pasi është jo serioz.