NJë vit më parë, ish-Presidenti donald Trump përballej me katër gjyqe penale, 91 akuza dhe mundësinë e dekadave burg. Por Trump e shfrytëzoi këtë për të rifituar Shtëpinë e Bardhë, një strategji që tani është shpaguar me fitoren e tij politike. Ish-presidenti - dhe presidenti i ardhshëm - pritet të ndalojë çështjet pasi mposhti ZëvendësPresidenten Kamala Harris. Ai parashikohet të bëhet krimineli i parë i dënuar që merr postin më të lartë të vendit. Me kontrollin e afërt të Departamentit të Drejtësisë, ai mund të mbyllë çështjet e tij penale federale. Sa i përket çështjeve të tij shtetërore, avokatët e Trumpit pritet t'u kërkojnë gjykatësve që të ngrijnë proceset ndaj tij në Xhorxhia dhe Nju Jork. Trump ka sinjalizuar prej kohësh se planifikon të zhbëjë menjëherë zyrën e këshilltarit special Jack Smith pas rimarrjes së Shtëpisë së Bardhë. “Është kaq e lehtë. Unë do ta pushoj atë brenda dy sekondave,” i tha Trump prezantuesit konservator Hugh Heëitt muajin e kaluar. Kjo do të përfundonte në mënyrë efektive dy çështje federale kundër Trumpit. Në rastin e parë, ai akuzohet për komplot për të përmbysur rezultatet e zgjedhjeve të vitit 2020. Në rastin e dytë në Florida, ai përballet me akuza në lidhje me keqpërdorimin e dokumenteve të klasifikuara pas largimit nga detyra dhe pengimin e përpjekjeve të qeverisë për t'i tërhequr ato. Trump gjithashtu mund të detyrojë Departamentin e tij të Drejtësisë që thjesht të heqë dorë nga cështjet apo edhe të shkarkojë drejtpërdrejt prokurorët e qarqeve, si psh atë të Manhatanit Alvin Bragg, që e dënoi për 34 akuza për falsifikim të të dhënave të biznesit për fshehjen e paligjshme të një pagese gjatë fushatës së tij të vitit 2016.