Presidenti Donald Trump hyri në rolin e guidës turistike në Shtëpinë e Bardhë, duke treguar helipadin që po ndërton në lëndinë përpara se të përkulej për të lënë autografin e tij atje dhe të mburrej për sallën e vallëzimit që po nxiton ta përfundojë pavarësisht sfidave ligjore. Trump foli me entuziazëm për disa minuta pa ndërprerje për helipadin dhe tha se zona e uljes së helikopterit, e cila pritet të kushtojë 5-6 milionë dollarë, do t'i lërë udhëheqësit e huaj që do të vijnë atje "me gojën hapur". Kjo ndodhi ndërsa Presidenti kinez Xi Jinping do të vizitojë Zyrën Ovale muajin e ardhshëm. Trump foli për granitin e përdorur për helipadin dhe tha se ai mun t’i rezistonte peshave të jashtëzakonshme. “Ky është një gur që, nëse do të merrje një çekiç dhe do të filloje ta godisje tani, për gjithë ditën. nuk do të shihje asnjë shenjë mbi të", tha Trump. "Një gjë që unë di të bëj mirë është të ndërtoj," tha ai me vetëkënaqësi të dukshme.