Presidenti i SHBA-së, Donald Trump tha se shpreson që të takohej përsëri me udhëheqësin e Koresë së Veriut, Kim Jong Un, ndërsa nuk i kurseu akuzat në drejtim të udhëheqësit koreanojugor disa orë para se ta priste këtë të fundit në Shtëpinë e Bardhë. Trump, i cili u takua me Kim Jong Un tre herë gjatë mandatit të tij të parë, e vlerësoi marrëdhënien e tyre ndërsa tha se e njihte më mirë se kushto tjetër, përveç motrës së tij. "Një ditë do ta shoh. Pres me padurim ta shoh. Ai ishte shumë i mirë me mua", u tha Trump gazetarëve ndërsa pretendoi se Koreja e Veriut ka qëlluar më pak raketa që kur ai u kthye në Shtëpinë e Bardhë më 20 janar. Trump u mbur po ashtu para gazetarëve se ka zgjidhur shtatë luftëra në po aq muaj para se të merrte detyrën. Trump tha se u dashurua me Kim pas takimit të zhvilluar disa vite më parë ndërsa pas bisedimeve palët ulën tensionet por nuk arritën të prodhonin një marrëveshje të qëndrueshme.Që atëherë, Kim ka krijuar një marrëdhënie të ngushtë me Rusinë, duke përfshirë dërgimin e trupave për të luftuar kundër Ukrainës, dhe ka këmbëngulur në refuzimin e çdo çmontimi të programit bërthamor të Koresë së Veriut.