Donald Trump nuk do të tolerojë asnjë devijim të Benjamin Netanjahut nga marrëveshja e armëpushimit në Gaza dhe mesazhi i drejtpërdrejt është përcjellë përmes një gazetari izraelit. Korrespondenti izraelit në Shtëpinë e Bardhë, Barak Ravid përcolli në hebraisht mesazhin, që sipas tij e mori nga një zyrtar amerikan pranë Presidentit Donald Trump. ‘Nëse Netanjahu ja fut marrëveshjes së Gazës, atëherë Donald Trump do t’ja fusë Netanjahut”, citohet zyrtari i Shtëpisë së Bardhë nga korrespondenti izraelit. Sipas tij, komentet e thëna në konfidencë tregojnë zhgënjimin në rritje në Uashington për lëvizjet e fundit politike në Izrael, sidomos votimi i së enjtes në parlamentin izraelit për të çuar përpara një ligj që anekson pjesë të Bregut Perëndimor. Burimi i tha gazetarit Ravid se në momentin e këtij votimi, zv.Presidenti JD Vance, që po vizitonte Izraelin është tronditur nga vendimi dhe mënyra se si Izraeli po vepron në mënyrë të papërgjegjshme dhe të paparashikuar. Ky reagim amerikan, sipas korrespondentit izraelit, detyroi Netanjahun që të informon zv.Presidentin amerikan se ishte thjesht një votim paraprake dhe se ligji për aneksim nuk do të kalonte.