Presidenti amerikan i zgjedhur, Donald Trump nuk përjashtoi mundësinë e përdorimit të forcës ushtarake për të marrë kontrollin e kanalit të Panamasë por dhe Groenlandën. Republikani tha në një konferncë për shtyp se kjo gjë do të ishte jetike për sigurinë kombëtare të Shteteve të Bashkuara. “Nuk mund të zotohem. Ndodh që do të duhet të bëjmë diçka. Kanali i Panamasë ka rëndësi jetike për vendin tonë”, tha ai ndërsa shtoi se “Groenlanda na duhet për qëllime të sigurisë kombëtare”. Konferenca erdhi dy javë para marrjes së mandatit presidencial më 20 janar. Ndërkohë djali i madh i Presidentit Trump vizitoi Groenlandën në kuadër të një vizite private, duke nxitur spekulime se administrata e re e Shteteve të Bashkuara do të synojë që ta marrë nën kontroll territorin danez, të pasur me minerale.