Kryeministri izraelit, Benjamin Netanyahu është bërë lideri i parë i huaj që takon presidentin e ri amerikan Donald Trump, që nga rikthimi i tij në shtëpinë e bardhë. Disa orë para takimit, izraeli tha se kishte dërguar një ekip për të negociuar fazën e ardhshme të armëpushimit të brishtë me hamasin, duke sinjalizuar progres të mundshëm. Netanyahu do të vendoset me siguri më shumë nën presion për të respektuar marrëveshjen, meritat për të cilën i ka marrë përsipër vetë Trump. Ky i fundit, ka shkaktuar reagime ndërkohë me një plan të tijin për të pastruar Gazën, duke kërkuar që palestinezët të vendosen në egjipt apo jordani. Të dyja këto vende, e kanë refuzuar propozimin e tij. Para takimit me Netanyahun, i pyetur se si e shikonte një aneksim të mundshëm të bregut perëndimor, Trump i tha gazetarëve se Izraeli është një vend i vogël për sa i takon tokës.