Donald Trump tha se Hamasi ka “tre ose katër” ditë për t’iu përgjigjur planit të tij të paqes për Gazën, përndryshe grupi terrorist do të “paguajë në ferr”. Pasi zbuloi planin në Shtëpinë e Bardhë gjaë konferencës që pati me kryeministrin izraelit me Benjamin Netanyahu, presidenti amerikan i kërkoi Hamasit të martën të pranonte propozimin e tij me 20 pika “për të mirën e tyre”. Korniza, e pranuar tashmë nga kryeministri izraelit të hënën, do t'i jepte fund luftës në Gaza, do të garantonte lirimin e të gjithë pengjeve dhe do të krijonte një qeveri kalimtare të drejtuar nga zoti Trump me ndihmën e ish-kryeminustrit britanik Tony Blair. Kuptohet që Hamasi po anon drejt pranimit të marrëveshjes dhe do t’ua paraqesë përgjigjen e tij ndërmjetësve egjiptianë dhe katarianë të mërkurën, thanë burime për CBS Neës. Duke folur me zyrtarë ushtarakë amerikanë në Virxhinia, zoti Trump la të kuptohej se nuk do të priste pafundësisht për një përgjigje. “Ne kemi një firmë që na duhet dhe ajo firmë do të paguajë shumë nëse nuk e nënshkruajnë”, tha ai. Megjithatë, Netanyahu ende nuk ka siguruar mbështetje për marrëveshjen nga partnerët e tij ultranacionalistë të koalicionit.