Presidentit të Venezuelës, Nicolas Maduro, po i mbarojnë koha dhe mundësitë për tu larguar nga vendi i tij, në një kalim të sigurt, të garantuar nga SHBA, pas një telefonate të shkurtër me Presidentin amerikan Donald Trump, muajin e kaluar, ku ky i fundit refuzoi një sërë kërkesash nga udhëheqësi venezuelian, sipas katër burimeve të informuara mbi telefonatën. Telefonata, e kryer më 21 nëntor, erdhi pas muajsh rritje të presionit të SHBA-së mbi Venezuelën, duke përfshirë sulme kundër anijeve të dyshuara për trafik droge në Karaibe, kërcënime të përsëritura nga Trump për të zgjeruar operacionet ushtarake në tokë dhe përcaktimin e Cartel de los Soles, një grup që administrata Trump thotë se përfshin Maduron, si një organizatë terroriste e huaj. Maduro dhe qeveria e tij gjithmonë i kanë mohuar të gjitha akuzat kriminale dhe thonë se SHBA po kërkon ndryshim regjimi për të marrë kontrollin e burimeve të mëdha natyrore të Venezuelës, përfshirë naftën.