Ish presidenti donald Trump thotë tani se nuk ka më asnjë dyshim se koronavirusi ka dalë nga një laborator kinez, pas raportit të inteligjencës se tre shkencëtarë kinezë ishin shtruar në spital në nëntor 2019. Trump i bëri komentet në një intervistë të hënën, ndërsa teoria e daljes së virusit nga laboratori kinez ka marrë sërish jetë pas një raporti të mediave amerikane, se një raport i zbulimit amerikan tregonte se tre punonjës në laboratorin kinez ishin shtruar në spital në nëntor 2019. Trump që më herët kishte ngritur tezën se virusi mund të kishte origjinë njerëzore dhe ka sulmuar në vijimësi kinën ndërsa përballej me pasojat shkatërrimtare të koronavirusit gjatë fushatës së tij të dështuar për rizgjedhje në 2020-ën. “Unë mendoj se ju mund të hiqni fare fjalën e mundshme dhe të thonë se virusi ka dalë nga laboratori”, tha Trump.