Shtetet e Bashkuara të amerikës kanë reduktuar vlerësimin e kostos për ndihmën e dhënë Ukrainës që nga pushtimi i Rusisë në 2022 në rreth 100 miliardë dollarë nga 300 miliardë dollarë që ishte thënë më herët, raportoi të mërkurën Bloomberg Neës, duke cituar burime të njohura me këtë çështje. Presidenti i Shteteve të Bashkuara, Donald Trump, po kërkon një marrëveshje dypalëshe për mineralet, si pjesë e një shtytjeje paqeje për t'i dhënë fund luftës së Rusisë në Ukrainë. Trump e sheh gjithashtu këtë si një mënyrë për të rikuperuar miliarda dollarët e shpenzuara për ndihmën ushtarake që i është dhënë Kievit nga SHBA deri më tani, megjithëse ndihma nuk ishte një hua. Presidenti ukrainas Volodymyr Zelenski tha një ditë më parë se bisedimet me SHBA-në në lidhje me një marrëveshje mineralesh ishin "pozitive" dhe se priten më shumë takime.