Presidenti amerikan Donald Trump ka përsëritur mesazhin e tij se do të ndërhy në Minesota për të ndalur protestat që kanë shpërthyer si kundërpërgjigje e vrasjes së Renee Good nga patrulla e shërbimit të emigracionit. Kreu I shtëpisë së Bardhë me një retorikë kërcënuese I ka qeuajtur protestuesit si kryengritës të paguar për traszira ndërsa ka fajësuar për keqemenaxhim të siutatës Guvernatorin dhe Kryetarin e Bashkisë. “Në Minesota, Shkatërruesit, Agjitatorët dhe Kryengritësit janë, në shumë raste, profesionistë të paguar mirë. Guvernatori dhe Kryetari i Bashkisë nuk dinë çfarë të bëjnë, kanë humbur plotësisht kontrollin dhe aktualisht po bëhen të PA DOBISHËM! Nëse, dhe kur, të jem i detyruar të veproj, do të zgjidhet, SHPEJT dhe EFEKTIVISHT!”, shkroi Trump në Truth Social, duke mos përjashtuar mundësinë e aktivizimit të Aktit të Kryengritjes, Veprim që e paralajmëroi të premten dhe që do të lejonte presiodentin të dërgonte forca ushtarake në qytet. Ligji i vitit 1807, i përdorur rrallë, u lejon presidentëve të vendosin ushtrinë amerikane për zbatimin e ligjit në rrethana të kufizuara. Tensionet janë rritur në Minneapolis që kur më shumë se 2,000 agjentë të imigracionit mbërritën atje. Ndërkohë video gtë shumta që i tregojnë ata duke përdorur taktika të dhunshme kundër qytetarëve dhe emigrantëve njësoj, ka shkaktuar zëmërim në radhët e qytetarëve të cilët kanë dalë në protesta masive. Trump “ka kërcënuar më parë se do të përdorë Aktin e Kryengritjes për shkak të tensioneve në qytetet me prirje blu”, tha The Ëall Street Journal , por “ai ende nuk e ka përdorur ligjin”. Gjykata Supreme vendosi muajin e kaluar se vendosjet e tij të njëanshme të Gardës Kombëtare në Çikago dhe qytete të tjera demokrate tejkaluan autoritetin e tij .