Presidenti amerikan Donald Trump priti këtë të premte në Shtëpinë e Bardhë presidentin ukrainas, Vlodymyr Zelensky. Dy liderat shtrënguan duart par se të hynin brenda për të diskutuar për çështjen e luftës dhe raketave Tomahaëk. Trump e quajti një nder takimin me Zelenskyn para gazetarëve ndërsa pohoi se raketat me rreze të gjatë veprimi për të goditur Rusinë do të ishin një përshkallëzim i luftës. Qëndrim që duket se ia zbehi shpresën ukrainasve për t’i pasur në dorën e tyre, me qëllim që të godisnin objektiva deri në 2 mijë kilometra larg. Por Zelensky i propozoi Trump një marrëveshje për tregti armësh, ndërsa e uroi këtë të fundit për marrëveshjen e paqes mes Izraelit dhe Hamas në Gaza. Por përgjigja e Trump nuk ishte ajo që lideri ukrainas priste pasi presidenti amerikan veç të qeshurave theksoi se SHBA do t’i jap fund luftës pa raketat Tomahaëk, por la të hapur një mundësi të vogël tregtie arnësh mes dy vendeve.