Media amerikane raportoi se presidenti amerikan, Donald Trump ka nisur diskutime të fshehta me Trupat e Gardës Revolucionare Islamike, e cila është bërë më e fuqishme gjatë luftës dhe kontrollon pjesë të mëdha të forcave të armatosura të Iranit dhe ekonomisë. Axios, duke cituar dy burime me njohuri të drejtpërdrejta, raportoi se ish-Drejtorja e Inteligjencës Kombëtare Tulsi Gabbard foli me një udhëheqës kurd irakian me lidhje të ngushta me Gardën revolucionare, dhe se nëpërmjet këtij ndërmjetësi SHBA i dërgoi një mesazh komandantit të saj Gjeneral Ahmad Vahidi. Fox Neës më vonë raportoi se Trump e konfirmoi raportin në një intervistë telefonike. Administrata Trump është e shqetësuar nëse negociatorët iranianë në tryezë flasin në të vërtetë për Gardën revolucionare të Iranit, tha Axios, në një kohë kur Reuters raportoi se Vahidi ishte bërë një figurë kyçe. Vahidi u përgjigj se ishte në linjë me negociatorë iranianë, tha Axios.