Urime të përzemërta për Donald Trump, duke ju uruar shëndet të mirë, lumturi personale dhe shumë suksese në vitet që vijnë. Kështu e nis Aleksandër Vuçiç urimin e tij për Presidentin amerikan, që këtë të diel feston 80 vjetorin e lindjes. “Politikat tuaja kanë sjellë një dinamikë të re në marrëdhëniet ndërkombëtare bashkëkohore dhe kanë kontribuar në ndryshimet që formësojnë peizazhin gjeopolitik të sotëm. Në një kohë sfidash të mëdha dhe ndryshimesh të shpejta, ju keni treguar se lidershipi përfshin guximin për të marrë vendime të vështira, por edhe aftësinë për të njohur mundësitë për përparim dhe bashkëpunim”, vijon më tej Presidenti serb. Vuçiç e mbyll mesazhin me urimin që Trump të festojë i rrethuar nga familja, miqtë dhe bashkëpunëtorët e tij “krenarë për rezultatet e arritura dhe trashëgiminë që do u lërë brezave”.