Donald Trump në mënyrë të përsëritur ka keqprezantuar pasurinë e tij me qindra e miliona dollarë ndaj bankave dhe kompanive të sigurimit – tha një gjykatës në Nju Jork. Vendimi, i jep kështu përgjigje një pretendimi të bërë nga prokurorja e përgjithshme e Nju Jorkut në një padi civile të saj kundër presidentit. “Dokumentet tregojnë qartë vlerësimet e rreme që i akuzuari ka përdorur në biznese”, tha gjykatësi. Ky është një telash i madh për Trump para se rasti të shkojë në gjyq të hënën e ardhshme. Një avokat i trump e cilësoi vendimin e gjykatësit një keqpërdorim të drejtësisë në një deklaratë, mbrëmjen e të martës. Prokurorja e përgjithshme Leticia Xhejms paditi Trumpin shtatorin e kaluar duke e akuzuar atë, dy djemtë e tij të mëdhenj dhe organizatën Trump se kanë gënjyer për pasurinë dhe vlerën e aseteve të tij mes 2011 dhe 2021. Prokurorja pretendon se të akuzuarit kanë ofruar të dhëna të rreme biznesi dhe deklarata të rreme financiare me qëllim që të fitojnë kushte më të mira për hua në banka dhe marrëveshje sigurimi, si edhe për të paguar më pak taksa.