Presidenti amerikan Donald Trump paralajmëroi se Evropa po shkon në "drejtim shumë të keq", në një sulm të ri verbal vetëm disa ditë pasi strategjia e tij e re e sigurisë e kritikoi kontinentin për migrimin masiv. Trump kritikoi një gjobë "të keqe" prej 140 milionë dollarësh nga Bashkimi Evropian kundër rrjetit social X të Elon Musk, ndërsa zgjeroi sulmin e tij pavarësisht se pranoi se nuk dinte shumë për gjobën. "Evropa duhet të jetë shumë e kujdesshme. Ata po bëjnë shumë gjëra. Ne duam ta mbajmë Evropën, Evropë," u tha Trump gazetarëve në Shtëpinë e Bardhë. "Evropa po shkon në disa drejtime të këqija. Ne nuk duam që kjo të ndodhë". Komentet e republikanit pasojnë kritikat në strategjinë e re të sigurisë kombëtare të SHBA-së të publikuar javën e kaluar për Evropën që konsiderohej si e mbi-rregulluar dhe që përballet me "fshirje të qytetërimit" nga migrimi.