Presidenti amerikan, Donald Trump tha se do të ishte gjë e mençur nëse presidenti i Venezuelës, Nicolas Maduro largohet nga pushteti. Ai tha mes tjerash se Shtetet e Bashkuara ka mundësi ta mbajnë ose shesin naftën që kanë konfiskuar nga brigjet e Venezuelës në javët e fundit. Fushata amerikane e presionit ndaj Maduros përfshin rritje të prezencës ushtarake në rajon dhe dhjetëra sulme ushtarake që janë kryer mbi anijet që dyshohet se kanë trafikuar drogë në Oqeanin Paqësor dhe Detin e Karaibeve. Të paktën 100 persona raportohet të jenë vrarë në këto sulme. I pyetur nëse qëllimi ishte rrëzimi i Maduros prej pushtetit, Trump u tha gazetarëve se “ndoshta edhe mund të jetë”. “I takon atij të vendosë çfarë dëshiron të bëjë. Mendoj se do të ishte gjë e mençur nëse do të vepronte ashtu. Por, do ta shohim”.