Donald Trump triumfoi në zgjedhjet e super të martës, ndërsa mediat amerikane paralajmërojnë tërheqjen e Nikki Haley-t, kandidatja e vetme e mbetur përballë ish-Presidentit në radhët e republikanëve. Neë York Times thotë se megjithëse do të tërhiqet nga gara, ish-guvernatorja e Karolinës së Jugut dhe ish-ambasadorja e SHBA në OKB nuk pritet që të ofrojë mbështetjen e saj për Donald Trump. Ndërkohë, pas triumfit në garën e brendshme brenda republikanëve, Donald Trump po kërkon mbështetje financiare për përballjen e madhe me Joe Biden. Një të tillë mund ta gjejë nga Elon Musk, me të cilin mediat amerikane thonë se u takua në vilën e tij në Mar-a-Lago në Florida. Në anën tjetër Presidenti Joe Biden, thotë Neë York Times pritet që që të heqë dorë nga strategjia e shpërfilljes së akuzave nën brez të Donald Trump dhe të përballet brutalisht me të.