SHBA u paralajmërua nga një agjenci perëndimore e inteligjencës se Irani po komplotonte për të vrarë Donald Trumpin në Turqi. Sipas transmetuesit izraelit Channel 12, zyrtarë të lartë iranianë e panë vizitën e Trumpit në Ankara, kryeqytetin e Turqisë, javën e kaluar për një samit të madh të NATO-s si një mundësi për të goditur presidentin e SHBA-së. Por autoritetet amerikane u paralajmëruan për komplotin paraprakisht, çka çoi në ndërrimin në minutën e fundit të avionit të tij presidencial. Neë York Times raportoi javën e kaluar se një nga arsyet kryesore për ndërrimin ishte sepse Shërbimi Sekret ishte i shqetësuar se avioni i ri Air Force One, i dhuruar nga Katari, nuk kishte të gjitha karakteristikat e nevojshme të avionit të vjetër. Gazetarëve iu tha të mbanin perdet e dritareve të mbyllura në kabinën e shtypit gjatë ngritjes, pa shpjegime. Kjo ndodhi ndërsa Trump aludoi për përpjekjet e mëparshme të dyshuara për vrasje nga Irani gjatë një konference për shtyp të mërkurën. Presidenti deklaroi në samitin e NATO-s në Turqi: “Ata duan të eliminojnë udhëheqësin amerikan - mua. Jam në çdo listë të tyre, dhe deri më tani mendoj se kam qenë pak me fat, por kjo ndoshta nuk zgjat shumë”.