Donald Trump ka plane të mëdha për mikun e tij, Gianni Infantino, duke pasur parasysh marrëdhënien e tyre të ngushtë, që u pa veçanërisht gjatë Kupës së Botës së fundit. Sipas Neë York Post, manjati do të donte të nominonte presidentin e FIFA-s për postin e Sekretarit të Përgjithshëm të OKB-së, mandati i të cilit skadon në fund të vitit. "Ai ka një aftësi të veçantë për të bashkuar njerëzit", thotë Trump duke e vlerësuar shumë Infantinon. 56-vjeçari gjithashtu ka treguar se është shumë i vëmendshëm ndaj kërkesave të presidentit amerikan në situata të caktuara, siç e provoi edhe pas telefonatës që mori pas pezullimit të sulmuesit amerikan, Folarin Balogun, duke vendosur një precedent historik shumë të rrezikshëm për futbollin. Sipas një burimi pranë Trump, presidenti beson se Infantino "respektohet nga të gjithë në botë dhe ka një aftësi të veçantë për të bashkuar njerëzit". Këto karakteristika do ta bënin atë pasardhësin perfekt të Antonio Guterres të Portugalisë, i cili largohet në fund të vitit, shumë më tepër sesa shefi argjentinas i agjencisë bërthamore, Grossi, dhe ish-kryeministrja kiliane, Bachelet. Por ka një problem. Këtë herë, posti i Sekretarit të Përgjithshëm do t'i takonte Amerikës Latine. Infantino është zviceran, pra evropian si udhëheqësi aktual Guterres, dhe do të ishte shumë e pazakontë që një kontinent të mbante dy mandate radhazi. Prandaj, edhe në këtë fushë, do të ekzistonte mundësia e krijimit të një precedenti tjetër historik. Megjithatë, shefi i OKB-së duhet të miratohet më pas nga Këshilli i Sigurimit, ku Trump do të duhej të bindte Kinën dhe Rusinë ta mbështesnin atë.