Presidenti I Serbisë, Aleksandar Vuçiç dhe presidenti i zgjedhur të Shteteve të Bashkuara, Donald Trump, kanë zhvilluar të dielën vonë një bisedë telefonike. "Sapo përfundova një bisedë me presidentin e sapozgjedhur amerikan, Donald Trump. Biseda ishte e shkëlqyer, me përmbajtje, dhe do të thosha shumë e përzemërt", shkroi Vuçiç në një postim në Instagram. Teksa u shpreh mirënjohës ndaj Trump, Vuçiç ka treguar se e ftoi presidentin e ardhshëm të SHBA të vizitojë Serbinë, pasi ishte vendi ku mbështetja për zgjedhjen e presidentit Trump ishte më e madhja në gjithë Evropën. Vuçiç tha se Trump e falënderoi për "mbështetjen e madhe" që ka marrë nga "qytetarët e Serbisë, nga populli serb. "Jam i sigurt që, me mbështetjen e miqve tanë – dhe me miq nënkuptoj të gjithë rrethin e presidentit Trump, të cilët ishin gjithashtu me të gjatë bisedës sonte – do të kemi mundësi të bëjmë, ai Amerikën të madhe, dhe ne Serbinë një vend të denjë, që mund të bashkëpunojë shumë mirë me Shtetet e Bashkuara", tha presidenti serb. Vuçiç tregoi më tej se Trump I kishte premtuar se në të ardhmen do kenë mundësi për të folur për përmirësimin e mëtejshëm të marrëdhënieve, në të gjitha fushat". Mësohet se Vuçiç njoftoi Millorad Dokidkun, presidentin e entitetit serb të Bosnje e Hercegovinës, Republika Sërpska për bisedën me Trumpin. Vuçiç dhe Dodik ishin ndër liderët e parë botërorë që e uruan Trumpin për fitoren më 5 nëntor.