Presidenti amerikan, Donald Trump tha të enjten se beson që presidenti rus, Vladimir Putin do të mbajë fjalën në rast të arritjes së ndonjë marrëveshjeje për përfundimin e luftës në Ukrainë. Deklarata erdhi në një moment kur kryeministri Britanik tentoi që të fitojë garanci për Kievin. Takimi mes dy liderëve në Shtëpinë e Bardhë ishte tejet miqësor, pavarësisht qëndrimeve të mbajtura mes tyre për Ukrainën. Trump insistoi se I beson Putinit ndërsa Starmer pohoi se mungesa e garancive amerikane do ta inkurajonte Rusinë që të përsërite pushtimin e nisur në shkurt të vitit 2022. “Mendoj se do ta mbajë fjalën”, u tha Trump gazetarëve. “Kam biseduar me të, e njoh për kohë të gjatë, nuk besoj që nuk e mban fjalën”, shtoi ai. Nga ana tjetër kryeministri britanik i tha Trump në Shtëpinë e Bardhë se dëshiron të punojë me të “për të garantuar një paqe afatgjate”, dhe që "askush nuk e thyen”. Starmer, më pas, i dorëzoi Trumpit një letër prej mbretit Charles III, përmes së cilës e ka ftuar në një vizitë të dytë në pallat – ftesë e pashembullt për një president amerikan. “Kjo nuk ka ndodhur kurrë më parë, është e pashembullt”, tha Starmer.