Marcus Rashford pati shumë fat në mbrëmjen e së dielës. Futbollisti i manchester United në përfundim të ndeshjes me Burnley u bë protagonist i një aksidenti me makinën e tij Rolls royce me vlerë 700 mijë paund teksa u përplas me një makinë tjetër që drejtohej nga një grua e moshës 74 vjecare. Kjo e fundit, që nuk e njihte futbollistin, u trondit po nuk pati pasoja nga ky aksident, ndërsa Rashford e përplasi makinën me shtyllën e një semafori. Ngjarja ndodhi rreth mesnatës me futbollistin që ishte duke u kthtyer në shtëpi nga qendra stërvitore në Carrington pas fitores 1-0 me Burnley. ‘Të dy drejtuesit e makinave ishin të tronditur-tha një burim për tabloidin The Sun-Marcus shkoi menjëherë në drejtim të zonjës për të parë nëse ajo ishte mirë dhe nuk dha detaje’ Pamjet filmike tregonin makinën e tij të dëmtuar, ndërkohë që policia nuk bëri asnjë arrestim dhe nuk u thirr as ambulanca duke qenë se drejtuesja e mjetit tjetër nuk dëshironte të shkonte në spital. Aksidenti ndodhi në një zonë ku shpejtësia e lejuar është 40 milje në orë në Carrington Spur pranë kompleksit stërvitor të Manchester United ku futbollistët u kthyen për një takim me trajnerin përpara mesnatës