Top News – Tronditet Lezha, një i vrarë me armë/ Autori dhe viktima, dyshohet një konflikt i çastit

Pikërisht atëherë kur Policia është hedhur në aksion për të parandaluar krimin dhe arrestuar persona me precedentë penalë, Lezha është tronditur nga një vrasje. Një person është vrarë me armë zjarri mesditën e kësaj të hëne në fshatin Manati të Lezhës. Paraprakisht dyshohet për një 36 vjeçar me inicialet L.Gj, I cili ka mbetur viktimë, por informacionet e tjera bëjnë të ditur, se viktima është një i moshuar. Të dhënat e para nuk japin detaje të krimit, por shumë dëshmitarë janë tashmë në dispozicion të Policisë për të shpjeguar rrethanat e krimit. Policia me forca të shumta ka zbarkuar në zonë për të hetuar ngjarjen, por edhe për të bërë të mundur kapjen e autorit. Ende nuk dihet lidhja e autorit me viktimën, por burime paraprale bëjnë me dije se krimi ka ndodhur pas një konflikti të çastit.