Top News – Tronditet Gjermania, masakër në Hamburg/Vriten 8 Dëshmitarë të Jehovait, disa të plagosur

Gjermania është tronditur pasi disa persona u vranë e të tjerë u plagosën në Hamburg. Mediat vendase raportuan për të paktën 8 të vdekur pas të shtënave në një kishë të "Dëshmitarëve të Jehovait" në në lagjen Altersdorf në Hamburg. Disa të tjerë ndërkohë janë plagosur rëndë. Sipas policisë, mes viktimave mendohet të jetë edhe vetë autori i krimit. Natën është gjetur në godinën e komunitetit të "Dëshmitarëve të Jehovait" një person i vdekur, i cili me gjasë mund të jetë autori i krimit, njoftojnë mediat duke iu referuar të dhënave të policisë. Sfondi i vrasjeve në Hamburg ende është i paqartë, por ngjarja po kategorizohet fillimisht si sulm nga një person i vetëm. Policia bëri të ditur se nuk ka të dhëna për autorë të tjerë të mundshëm apo persona që kanë ndihmuar në kryerjen e krimit.