Është zbardhur ngjarja e ndodhur gjatë orëve të para të mëngjesit të 10 qershorit në Lezhë, ku u vendos një lëndë plasëse në një sipërfaqe toke. Ngjarja ka ndodhur në fshatin Balldren i Vjetër, ndërsa nuk pati dëme. Në pranga për ngjarjen ra 55-vjeçari Astrit Avdiaj nga Tirana. Po ashtu, u shpall në kërkim bashkëpunëtori i tij Ermal Zalla 35 vjeç, banues në Krujë dhe vijon puna për lokalizimin dhe kapjen e tij. Ky i fundit rezulton i arrestuar edhe më herët pasi është kapur me një pistoletë me silenciator dhe një celular, që dyshohet se do të përdorej për shpërthime ne distancë. Ende nuk dihen shkaqet se përse është vendosur lënda plasëse. Ndërkohë, vijon hetimi për të sqaruar dhe dokumentuar motivin e kësaj ngjarjeje. Materialet procedurale iu referuan Prokurorisë së Lezhës, për veprime të mëtejshme.