Në orët e para të mëngjesit të së shtunës është vendosur një sasi lënde plasëse në biznesin e këngëtarit Rigels Rajku, i njohur si Noizy. Policia e Durrësit njoftoi se lënda eksplozive u gjet e pashpërthyer pranë derës së biznesit të këngëtarit. Pas njoftimit, në vendngjarje kanë shkuar shërbimet e Policisë, së bashku me grupin hetimor, të cilët po hetojnë për zbardhjen dhe dokumentimin e ngjarjes. Ky nuk është rasti i parë pasi më 8 qershor 2022, një sasi tritoli shpërtheu në biznestin e Noizyt duke shkaktuar dëme të mëdha materiale. Një vit më pas, në qershor lokalit të Noizyt në Currila iu vu zjarri dy herë. Për zjarrvënie të qëllimshme policia pati arrestuar një kushëririn e tij 26-vjeçar. Ngjarja e katër viteve më parë është rikthyer së fundmi në vëmendje, pasi i penduari i drejtësisë tregoi se tritoli ishte vendosur me urdhër të Laert Haxhiut. Në gjykatë dëshmoi edhe vetë Noizy, së bashku me babanë e tij ku thanë se nuk kanë dijeni për autorin.