Dy të rinj u arrestuan nga policia e Durrësit nën akuzën e vjedhjes dhe shpërndarjes së lëndëve narkotike. Në pranga përfunduan një 20-vjeçar dhe një 22-vjeçar. Ata u ndaluan pasi vodhën një market në fshatin Arapaj nwn efektin e drogws dhe më pas u larguan me shpejtësi me një makinë. Identifikimi I tyre u bë nga kamerat e sigurisë ndërsa gjatë aksioni të zhvilluar nga policia dy të rinjve ui gjetën sendet e vjedhura në marketin e Arapajt por dhe gjëra të tjera që kishin marrë në makina apo dyqane të tjera. Ndërkohë 22-vjeçarit iu gjet dhe një sasi kanabis me vete. Nga hetimet agjentët kanë dyshime të forta se I riu merrej dhe me shpërndarjen e drogës. Njëkohësisht, në cilësinë e provës materiale u sekuestruan edhe automjeti me të cilin të arrestuarit lëviznin për të kryer vjedhje, 3 telefona të markave të ndryshme, një kaçavidë, doreza dhe rrobat e përdorura gjatë vjedhjeve, si dhe një shumë vlerash monetare. Ndërkohë vijon puna për zbardhjen dhe dokumentimin e të tjera ngjarjeve në të cilat dyshohet se janë të përfshirë këta dy persona.