Të paktën pesë persona humbën jetën në një aksident hekurudhor të hënën ku një tren pasagjerësh dhe një tren mallrash u përplasën në Bengalin perëndimor në Indi. Goditja ishte e fortë, ndërsa shumë prej vagonëve dolën nga shinat. “Të paktën pesë persona kanë vdekur dhe 25-30 janë plagosur”, thanë autoritetet ndërsa sqaruan se dëmet më të mëdha ishin në trenin e pasagjerëve. Autoritetet e quajtën aksidentin "tragjik" ndërsa theksuan se po hetojnë shkaqet që çuan në përplasjen e dy trenave. Ministri i Hekurudhave Ashëini Vaishnaë tha se "të plagosurit u dërguan në spital për ndihmë mjekësore. India ka një nga rrjetet më të mëdha hekurudhore në botë dhe ka parë disa fatkeqësi ndër viteve, më e keqja në vitin 1981 kur një tren doli nga shinat ndërsa kalonte një urë në shtetin Bihar, duke vrarë rreth 800 njerëz. Në vitet e fundit India ka investuar shuma të mëdha parash për të përmirësuar rrjetin me stacione moderne dhe sisteme të sinjalizimit elektronik. Pamjet: AFP