Një video dramatike tregon një tren mallrash në Kanada të rrethuar nga flakët me punonjësit që kërkojnë ndihmë ndërsa raportojnë se janë "të rrethuar" nga zjarri. "Kjo mund të na kapë këtu, është e frikshme," thotë një nga pjesëtarët e ekuipazhit ndërsa treni kalon me shpejtësi mes pemëve që digjen pranë Armstrongut, në Ontario. Pamjet u ndanë në instagram nga Sol Mamakva, një anëtar i parlamentit provincial të Ontarios. Kompania e transportit, Canadian National tha më pas në një postim në X se anëtarët e ekuipazhit që shihen në video, u evakuuan në mënyrë të sigurt nga zona dhe janë shëndoshë e mirë. Kompania po ashtu konfirmoi se operacionet janë pezulluar përkohësisht në rajon. Më shumë se 100 zjarre po digjen në provincë, me disa komunitete veriperëndimore nën kërcënim. Tymi ka mbuluar Toronton, që u zgjua me qiell të mjegullt dhe me cilësinë më të keqe të ajrit në botë.