Dollari amerikan ka njohur rritje pasi Donald Trump fitoi presidencën dhe do të rikthehet në Shtëpinë e Bardhë. Bitcoin ka arritur gjithashtu një rekord të lartë ndërsa kambistët vunë bast për uljen e mundshme të taksave, rritjen e tarifave dhe rritjen e inflacionit nën mandatin e dytë të Trump. Ky rezultat i zgjedhjeve do të ketë një ndikim të madh në ekonominë globale. Partia Republikane duket gjithashtu se ka marrë kontrollin e Senatit, megjithëse ende nuk është zyrtarizuar. Dollari amerikan është rritur me rreth 1.5% kundrejt një sërë monedhash të ndryshme, duke përfshirë paundin, euron dhe jenin japonez. Në Japoni, indeksi standard i aksioneve Nikkei 225 e mbylli ditën me 2.6% plus, ndërsa ASX 200 i Australisë 0.8% më lart. Indekset kryesore të aksioneve amerikane gjithashtu u hapën ndjeshëm më lart. Trump është zotuar se do ta bëjë SHBA-në “kryeqendrën e bitcoin dhe kriptomonedhave të botës”. Vlera e Bitcoinit si pasojë u rrit me 6,000 dollarë duke arritur një nivel rekord prej 75 mijë dollarësh.