Gjykata e Posaçme ka konfirmuar masën e sigurimit arrest në burg në ngarkim të vëllezërve Kristi, Fatjon dhe Aleksandër Bushgjokaj dhe të bashkpandehurit Petrit Hoxha alias Çakri. Në seancë ata kanë i kanë kërkuar falje gjykatës dhe prokurorisë për incidentin që ndodhi seancën e kaluar, ku dhunuan të dyshuarin Çakri. Por, sërish ata kanë këmbëngulur se dyshuari si bashkëpunëtori i tyre në vrasjen e Renis Dobrës në Klos, i ka provokuar dhe ka shpifur ndaj tyre. Të katër ata të dyshuarit akuzohen për rrëmbimin dhe vrasjen e të riut Renis Dobra, ngjarje e ndodhur më 8 korrik të vitit 2025. Ndërkohë, në lidhje me sherrin e ndodhur brenda kafazit të xhamtë në Gjykatën e Posaçme, hetimet po kryhen nga Prokuroria e Tiranës, ndërsa ndaj tre vëllezërve Drejtoria e Përgjithshme e Burgjeve ka caktuar 3 muaj izolim. Vëllezërit dyshohet se e kanë eliminuar Renis Dobrën pas prishjes së pazarave të drogës në Gjermani.