Një ngjarje e rëndë e ndodhur rreth një muaj më parë në qytetin e Fierit, ka tronditur opinionin publik pas publikimit të pamjeve në rrjete sociale, ku një 17 vjeçare është dhunuar brutalisht nga tre bashkëmoshatare të saj brenda ambienteve të një banese. Autoritetet kanë sqaruar se ngjarja ka ndodhur më 8 qershor, dhe se rasti është kallëzuar në polici nga prindërit e 17 vjeçares dhe minorenia, e cila ka rrëfyer se është dhunuar dhe filmuar në banesën e 19-vjeçares me iniciale L.L. nga kjo e fundit dhe dy 15-vjeçare. Policia thotë se pas hetimeve, tre shtetaset, 19-vjeçarja dhe dy të miturat janë shoqëruar në Komisariat, ku kanë deklaruar se kanë ushtruar dhunë ndaj shoqes së tyre, shtetases së mitur 17 vjeçe, për motive të dobëta. tre shtetaset janë proceduar për veprën penale "Dëmtime të tjera me dashje".