Është arrestuar pas 6 muajsh Nehat Rizvani, i riu i shpallur në kërkim për transportimin e një sasie lënde narkotike të llojit kanabis, në qytetin e Fierit. 32 vjecari drejtuesi i automjetit Audi Q7, me të cilën transportonte 3 thasë me 83 kilogramë kanabis sativa, më 21 dhjetor të vitit 2022 në Fier, ra në pranga në kuadër të operacionit policor të koduar Hamil. Ky shtetas në bashkëpunim me Vahid Rizvanin dhe Armando Tërhovën, të cilët janë vënë në pranga në muajin dhjetor të vitit 2022, u kapën në flagrancë me 85 kilogramë hashash në makinë. 26 vjecari Vahid Rizvani pronari i automjetit, dhe 25 vjecari Armando Tërhova, pasagjer në Audi, u arrestuan gjatrë operacionit policor të zhvilluar në muajin dhjetor të vitit të kaluar, ndërsa sasia e hashashit u vendos në sekuestro. 32 vjecari i arrestuat këtë të enjte, u dërgua në komisartatin e policisë Fier, ku më pas do dalë para gjykatës për tu njohur me masën e sigurisë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme hetimore.