Një lëkundje e re tërmeti me magnitudë 4.3 është regjistruar në Marche të Italisë, në orën 6.20 minuta të mëngjesit të së dielës, e ndjekur edhe nga një tjetër lëkundje, pak më e lehtë, vetëm tre minuta më vonë. Nuk janë regjistruar sidoqoftë dëme apo probleme për njerëzit në krahasim me tërmetin më të fortë të regjistruar më 9 nëntor në të njëjtin rajon. Epiqendra e tërmetit të fundit ishte në një thellësi prej 9 kilometrash, 21 kilometra në lindje të fanos dhe 28 kilometra larg Pesaros. Dridhjet e tokës ndërkohë janë dëgjuar edhe në Ankona. Në këtë mënyrë, vazhdon seria e tërmeteve në rajonin e Marches që ka shkaktuar dëme prej dhjetëra e miliona eurosh përvec qindra të pastrehëve në provincat e Ankonës dhe Pesaros. Të shtunën, në orën 9.56 minuta, ishte regjistruar një lëkundje toke e fortë me magnitudë 3.5. deri më tani, skuadrat e zjarrfikësve kanë kryer mbi 2300 verifikime për të kontrolluar qëndrueshmërinë dhe kushtet e ndërtesave.