Të premten Partia Demokratike do të mbledhë sërish këshillin Kombëtar, takim ky i I dyti në harkun kohor të një jave, pas atij të 28 majit, ku u zgjodhën me votë të fshehtë 20 anëtarët e kryesisë. Por teksa propozimet janë të kreut të PD, në selinë blu ka nisur të flitet për emrat e mundshëm që ish-kryeministri Sali Berisha pritet të propozojë në Kryesi për tia kaluar më tej Këshillit Kombëtar. Sipas statutit të PD, posti i dytë më i rëndësishëm, pas kryetarit, është ai I Sekretarit të Përgjithshëm, post i cili në vitet e fundit është mbajtur nga Gazment Bardhi. Emrat më të përfolur për këtë post janë 2, ai i Flamur Nokës, si krahu I djathtë I ish-kryeministrit dhe Belind Këlliçi. Ndërkohë si nënkryetar, përfliten 2 emra si më të mundshmit, Oerd Bylykbashi, i cili e ka shprehur hapur kandidimin e tij si dhe Luçiano Boçi. Boçi përflitet edhe si një kandidat për të marrë drejtimin e grupit parlamentar, post i cili mbahet nga Enkelejd Alibeaj, por që nuk njihet nga PD e drejtuar nga Berisha. Teksa më herët PD kishte 4 nënkryetar, tashmë statuti parashikon vetëm 2 të tillë. Kryetar për Komisionin Zgjedhor përflitet Albana Vokshi, teksa në postin e Sekretarit Organizativ pritet të propozohet Ervin Minarolli.