Presidenti ukrainas Volodymyr Zelensky vijon të kërkojë mbështetjen e Shteteve të Bashkuara ndaj vendit të tij edhe gjatë presidencës së re të Trump. Gjatë një konferencë të përbashkët në Varshavë me kryeministrin polak Donald Tusk tha se është në pritje të inaugurimit të presidentit amerikan. “Unë mendoj se e gjithë bota është duke e pritur, sepse Shtetet e Bashkuara janë një partner strategjik në stabilitetin global”, tha Zelensky ndër të tjera gjatë konferencës. Sipas Zelenskyt, SHBA-ja është donatori më i madh që mbështet Ukrainën në luftën e saj për mbijetesë përballë agresionit rus. Ai është shprehur optimist për bashkëpunimin e Ukrainës me SHBA-në. Zëri Amerikës raporton se qeveria e presidentit ukrainas po zhvillon bisedime me Uashingtonin lidhur me takimet e mundshme me Presidentin e zgjedhur Trump, i cili merr detyrën të hënën e 20 janarit.