Ajo është quajtur macja më e pasur në botë. E mësuar me avionë privatë dhe një shef kuzhine personal, Choupette ka jetuar një jetë luksi. Macja birmaneze e racës së pastër ishte kafsha shtëpiake e dashur e stilistit gjerman të modës Karl Lagerfeld, dhe pas vdekjes së tij në vitin 2019 thuhet se trashëgoi të paktën 1.5 milion dollarë. Por sot ajo është pa para dhe jeton nga mirësia e ish-shërbyeses së Lagerfeld. "Nuk kemi marrë absolutisht asgjë," thotë Francoise Cacote, e cila ishte shërbëtorja besnike franceze e Lagerfeld. "Unë punoj me kohë të pjesshme për ta mbështetur atë," i tha ajo revistës Atlantic. Lagerfeld, drejtori krijues i Chanel për një kohë të gjatë, e bëri të qartë se donte që Choupette të kishte një jetë të mirë pas vdekjes së tij. "Po bëj çmos për të respektuar dëshirat e tij", thotë ish shërbyesja. Choupette, tani është 14 vjeç, dhe jetonte me Lagerfeld në shtëpinë e tij luksoze në Paris pranë Senës, ku hante në tasat e stilistit Maison Goyard.