4 shtetas siriane kane mbetur te plagosur ne nje aksident automobilistik ne aksin rrugor Zvezde-Podgorie. Ngjarja ka ndodhur ne kryqezimin e fshatit Podgorie ne vendin e quajtur "Lapidari". Nje mjet brenda te cilit udhetonin 7 shtetas te ardhur nga vendet me konflikt ka qene duke udhetuar nga Bilishti ne drejtim te kryeqytetit. Mesohet se drejtuesi i mjetit nuk i eshte bindur urdhrit te policise ne hyrje te qytetit te Bilishtit per te ndaluar. Ne kushte te tilla polician ne bashkpunim me FRONTEX eshte vene ne ndjekje te tyre. Drejtuesi i mjetit per ti shpetuar policise ka zgjedhur aksin rrugor nga Zemblaku per te kaluar me pas ne aksin nacional Korce-Pogradec. Ne kryqezimin e fshatit Podgorie ishte vendosur nje tjeter postobllok policie i cili kishte bllokuar pjesen me te madhe te rruges. Ne te tilla rrethana drejtuesi i mjetit me shtetasit e huaj gjate manovres per te shmangur postobllokun e policise eshte perplasur me nje mjet tjeter duke sjelle edhe permbysjen e furgonit. Per pasoje mesohet paraprakisht se 4 shtetas siriane mbeten te plagosur te cilet jane derguar ne spital pe trajtim mjekesor. Policia ne vendin e ngjarjes ka bere ndalimin e drejtuesit te mjetit dhe ndaj tij kane nisur hetimet. ai akuzohet per mosbindje te urdhrit te punonjesit te policise dhe trafikim te qenieve njerezore.