Policia Devoll ka goditur një tjetër rast të prerjes së paligjshme të pyjeve. Është proceduar penalisht këtë të martë një 41-vjeçar me iniciale K. F, banues në fshatin Arrëz, i cili transportonte me furgon, lëndë drusore pa dokumentacionin përkatës. Ky shtetas u kap nga shërbimet e Policisë, në aksin rrugor “Miras-Bilisht”, duke transportuar me automjetin furgon tip “Benz”, një sasi dru zjarri, pa dokumentacionin përkatës, e cila së bashku me automjetin u sekusestruan në cilësinë e provës mareriale. Policia në vijim ka sekuestruar sasinë e druve, të prerë në mënyrë të paligjshme dhe automjetin tip furgon që shërbente për t’i transportuar.