Një çift të moshuarish kanë humbur jetën nga asfiksia, mëngjesin e kësaj të shtune, pasi shtëpia e tyre u përfshi nga flakë masive zjarri, për shkak të djegies së batanijes. Mësohet se ngjarja është shënuar rreth orë 09 e 45 të kësaj të shtune, ku kanë humbur jetën dy të moshuarit Rrapo Çika, 83 vjeç dhe Savoja Çika, 71 vjeç. Dyshohet se shkak për zjarrvënien është bërë një batanije me korrent me të cilën flinin dy të moshuarit. Si fillim ka marrë flakë batanija me korrent , e më pas flakët masive janë përhapur, duke përfshirë jorganin dhe sende të tjera që ndodheshin në banesë. Dy të moshuarit, nuk kanë mundur t’u shpëtojnë dot flakëve masive, duke ndërruar jetë nga asfiksia. Kanë qenë fqinjët, ata të cilët kanë mbërritur të parët në banesë e më pas kanë ndërhyrë zjarrfikset, por në pamundësi për të shpëtuar jetët e dy të moshuarve.