Enjo Saliaj, i cili mbeti i vdekur në një aksident mbrëmjen e së enjtes, ka një histori të dhimbshme, e cila nisi ne vitin 2021, kur ai mbeti jetim. Gjyshi i tij Mexhit Picari, një ish polic, vrau babanë e të riut me armë zjarri pranë Gjykatës së Tiranës ,më 4 qershor të vitit 2021, 30 minuta përpara se të niste seanca gjyqaore. Viktima, Kudret Saliaj kishte hapur një process gjyqsor pas sherreve të vazhdueshme me bashkëshorten e tij, vajzën e autorit, për divorcin dhe kujdestarinë e fëmijëve. Ai kishte hapur proces gjyqësor për t’u ndarë nga gruaja e tij me të cilin kanë edhe 3 fëmijë. Picari, vjehrri i viktimës hyri në lokal dhe hapi zjarr drejt ish-dhëndrit, ndërsa u plagos edhe avokati Adriatik Cama, që ndodhej në një tavolinë me viktimën. I pranishëm në vendngjarje, ka qenë edhe i riu Enjo Saliaj, i cili u përplas me automjet në zonën e Freskut, duke gjetur vdekjen.