Ngjarja tragjike ku humbi jetën studentja shqiptare Ilaria Sula nga ish-i dashuri i saj, Mark Samson, ka marrë një kthesë të re dramatike. Sipas burimeve të “La Repubblica”, hetimet kanë zbuluar se Samson, i riu nga Filipinet, kishte ndërtuar një mashtrim të sofistikuar për të fshehur rezultatet e dobëta akademike. Marku kishte krijuar llogari të rreme në emër të universitetit Sapienza në Romë, përmes të cilave mashtroi prindërit dhe rrethin shoqëror, duke pretenduar se kishte përfunduar me sukses provimet. Por kjo skemë u zbulua nga Ilaria, e cila kishte arritur të kuptonte të vërtetën pas verifikimeve të saj. Sipas hetimeve zyrtare, më 25 mars 2025, në banesën e tij në Romë, një zënke e e dhunshme mes tyre përfundoi me vrasjen e Ilarias. Trupi i saj më pas u fsheh në një zonë të pyllëzuar jashtë qytetit. Ndërkohë, autoritetet italiane kanë nisur një hetim të thelluar për të sqaruar të gjitha rrethanat e kësaj tragjedie, ndërsa autori ndodhet aktualisht në paraburgim.