Top News-Tragjedi në SHBA, të përvëluar deri në vdekje/46 viktima në kamionin e braktisur, emigrantë

Të paktën 46 persona, që besohet se kanë qenë migrantë, janë gjetur të vdekur në një kamion të braktisur në një lagje periferike të San Antonios në Teksas. Një zjarrfikës tha se 16 persona, përfshirë katër fëmijë, janë dërguar në spital. Të mbijetuarit vuanin nga nxehtësia e madhe. San Antonio, një qytet rreth 250 kilometra nga kufiri mes Shteteve të Bashkuara dhe Meksikës, përbën një rrugë kryesore tranziti për kontrabanduesit e njerëzve. Trafikantët zakonisht përdorin kamionë për të transportuar migrantët pa dokumente, pasi të kenë kaluar në SHBA.