Një tragjedi është shënuar mesditën e kësaj të diele në Maliq, ku si pasojë e përfshirjes nga flakët e një banese, 2 persona kanë humbur jetën, dhe një tjetër është në gjendje të rëndë. Dy viktimat janë nëna bashkë me të birin 14-vjeçar, të cilët sipas autoriteteve ndërruan jetë si pasojë e asfiksisë. Viktimat janë Merjeme Azisllari 40 vjeçe dhe djali 14-vjeçar, Luka Azisllari. Sipas po të njëjtave burime, në gjendje të rëndë shëndetësore mësohet se është vajza 6-vjeçare, e cila është nisur drejt Tiranës për mjekim më të specializuar. Mësohet se 6-vjeçarja është gjetur jashtë shtëpisë, teksa dyshohet se pas shpërthimit të flakëve, të jetë hedhur për të shpëtuar. Edhe 14 vjeçari I ndjerë poashtu është gjetur jashtë shtëpisë, por në gjendje koma, teksa ka ndërruar jetë rrugës për në spital.